| 終於都睇晒寒蟬+解,
真係一個漫長的旅程呢,
因為覺得好恐怖,所以睇下又停下,睇下又停下,
嘛呢...本來對於依種題材就唔係咁好,
人殺人什麼的...無論基於咩原因..
都係唔鍾意~呵呵~畢竟我都係一個善良的人嘛~
不過,就算幾唔鍾意都好...
有一些事情,總係不斷發生...
寒蟬嗚泣之時(WHEN THEY CRY)+寒蟬鳴泣之時解
雛見澤係一個社會的縮影,
可能比較貼近日本的情況吧,
早幾年,經常都會係報紙見到日本青年犯罪行為,
例如係自己媽媽的飯菜落藥做觀察,
又或者弒父殺母等等...
青少年本來應該係抱住夢想同希望,
係每日都開開心心的一群,
但唔知由幾時開始,
人心中的煩惱就好似急速發展的城市一樣,
愈來愈多,愈來愈沉重,
而且周圍都係高高的大樓圍場,
將人逼向死角,將人孤立,將人推向絕望...
建得起快樂的都市,卻建不起快樂的心靈,正是現在社會的悲劇。
係故事中,雛見澤只係一個人煙罕見的落後村莊,
每一個人都生活得平凡,快樂...
但依一條只有2千人的村落,
卻流行住一種奇怪的風土病(一種寄生蟲)
當人一離開村,或者承受過大的壓力時,
就會變得暴力,出現妄想,跟住為左"保護自己"而殺人,
最後會撕破自己的喉嚨而死...
不過,正因為雛見澤的生活簡單平凡,
所以村民幾乎未曾感受過壓力,
一直都冇人病發過咁濟。
村民並唔知有依種寄生蟲,
只係當有人病發時,就當成有鬼,或者當成係御社神作祟,
"鬼"依個字,係故事中不停咁出現,
作者用寄生蟲來形容,
實質就係潛藏係人心中的黑暗,
一但受壓,寄生蟲就會發作,
就好似人心一樣,一但受壓,就會萌生邪惡念頭...
故事不停重覆住昭和58年的6月,
一開始,
圭一因為朋友的隱瞞而變得對朋友不信任,
最後因為咁而殺死左禮奈同魅音;
然後係另一個昭和58年六月,
魅音因為圭一將公仔送左比禮奈而殺死左詩音同圭一;
然後又係另一個昭和58年六月,
詩音因為對悟史的迷戀,殺死左沙都子,梨花,魅音,仲有自己的婆婆...
然後又係另一個昭和58年六月,
禮奈因為保護爸爸比女人呃再婚,
而殺左個女人同佢個情夫...
係不同的故事中,
每一個人因為不同的契機,有因為朋友,有因為家人...好多好多...
而引發左潛藏係佢地身體的寄生蟲,
令到佢地變得暴戾,最後控制唔到自己,而傷害左身邊的人。
不論對愛情,友情還是親情,
一但失去信任,
往往就係悲劇發生的契機。
不過,悲劇的最後,受到傷害最大的人,始終係自己,
被寄生蟲控制左之後的人,
會幻想身體的血液有無數的蛆蟲,
最後因為恐懼而撕破頸動脈,
蛆蟲就係白色的屍蟲,
只係會係死人身上出現,
病患者見到蛆蟲,象徵住,佢地的心中,有一樣野已經死左...
就係"生命"...
故事通過不停重覆的互相殘殺,
並唔係單純描繪人的兇殘,
因為係不停的互相傷害中,
佢地開始明白點樣信任,花時間去理解同體諒對方,
最後仲創造左一個突破命運的契機,
順利迎來左故事的第一個7月1日。
無可否認,係現實之中,
人真係好脆弱,好容易比情緒牽引,比壓力擊跨,
因為恐懼,不安,憤怒,妒忌等等,輕易咁比內心的黑暗支配,
做出一些傷害人的事。
同故事不同,
我地冇永遠的六月,
唔會有再來一次的機會,
我地有的,只係經驗,
唔只係自己的經驗,仲有前人的經驗,身邊的人的經驗!
當我地打開報紙,打開電視,
見到聽到家庭悲劇,倫常慘案的時候,
如果只係將佢當成故事咁來睇,
就好似睇寒蟬一樣的心情的話,
最後只係講一句"好可怕"的話,
咁真係好可惜...
作者想表達比大家知道的正正就係我地冇永遠的六月,
所以要比故事中的人更重視"生命"本質,
如果悲劇係命運的話,
咁就盡全力將命運打破吧!
如果不幸係註定的話,
咁就令到佢係自己身上終結吧!
悲劇會孕育出悲劇,
就好似故事中的三四,將自己的不幸發泄係其他人身上一樣,
但正視自己的人生,
就好似圭一同梨花,羽入等,
勇於改變自己,挑戰命運的話,
最後一定可以迎來7月。
世上沒有走不出的死胡同,
只有把自己困在胡同的人~
故事另一個特點係不斷強調"遊戲",
即係故事主人翁成日都現的團課後活動,
有時玩潛烏龜,有時玩捉迷藏,
遊戲係佢地的心目中,除左取樂,仲係一種聯繫,
事實上,對我地而言,都係一樣,
不過,佢地對於"命運"同"敵人"的抗爭,
同樣當係團活動之一。
其實,面對生活,
我地會用遊戲去令自己過得開心,精彩~
面對困難~
我地更加需要用"遊戲"克服佢~
玩的時候盡全力,
輸左的話只要大叫一聲~可惡啊~下次一定會嬴~
如果係咁的話,大概就唔會再有咁多寒蟬悲鳴了~
寒蟬嗚泣之時教識左我好多野~
PS,依部絕對係一部好作品,
文學性,藝術性都好高,
雖然比較血腥左少少><
其中用左好多象徵手法,
鬼,寄生蟲,六月,綿流祭等等~
都係值得深思的題材~
當然-.-唔少得一D政治內容啦~
不過-.-小孩子不談政治~88 |
